Freya's home

dFreya mitem Dave im Usgang

dFreya isch 21 und chunt vo Melbourne! Ich gang viel mit ihre furt und si isch ganz en liebi und luschtigi! Sie wohnt sid ca. 1Monet mit 3 andere imene Huus! sHuus isch rächt gross, het 4 Schlofzimmer, 1 Büro, Stube, grossi Kuchi, Wöschkuchi, Terrase und Wiese mit Parkplatz för 3 Auto! Das alles bechunt me för 1800 Dollar im Monet! Ich dörf jederzitt bi ihne si und schlof au ame döt. Im Momänt wohne aber nur dFreya, Dave und Jake döt. dFründin vom einte isch no in Östriech und chunt aber Endi Jan. hei und wohnt denn au döt! Isch en richtigi tolli WG und isch wie es zweits Dähei för mich worde =)

dFreya kenn ich, wöll si vor mir ame bi dr Fam. dr Oskar ghüetet het! Denn het mr dFam. si mou vorgstellt! Es sind alli so lieb und finds super, wie offe si zu mir sind und wie si mich ufgnoh hei. Schliesslich bi ich jo nur för länger en "Tourist". Aber das zeigt eifach, wie fründlich die Lüt doh sind! Allg. sind alli Lüt so lieb und hilfsbereit! Das isch super an däm Land und chönte sich vieli anderi Länder es Biespiel neh =)

Terrase und witer hinde nach dr Türe dWiese...

Stube mit Kamin links. dFreya spielt Gitarre und singt. Het au Uftritt und verdient so smeischte Gäld. Dr Dave und Jake spiele bedi BassGitarre und sind bedi in verschiedene bands und hei Uftritt. Hüffig au an Hochzitte.

Jo, darum ligge au immer öberall Gitarre und CDs ume ;-)

dHälfti vor Kuchi, hinde dTüre ind dWöschkuchi

Freya mit Hustier =) Sie watschlet dr ganz Tag frei uf dr Terrasse ume und alli hei si gärn (Rabbit)

Si isch eifach zum knuddle (för mich en Büsi Ersatz)

Freya uf dr Terrasse

winke, winke....

Jake. Spielt inere Band BassGitarre und verdient so sis Gäld.

Wassermelone mit Fettakäse.. jammi =)

Gusgus-Salat for Freya.. super gsi!

Jake und Kevin am BBQ (Kevin isch sunscht en Kolleg vo ihne)

Freya am Salat barat mache... oder besser gseit grad am probiere ;-)

Jake in dr band letscht weekend in dr City!

Australian Open

dFreya het zwei gratis Tickets för dAustralian Open becho und het mich mitgnoh =) Das isch sProgramm gsi vom 24.01.09
Einisch mehr hei mr dr Spanier gseh... =)

Es isch soo heiss gsi und mr hei schön gröschtet an dr Sunne!

Bitz Areal.....

...uf jedefall isches riesig gsi! Mit Bierzält, verschiedeni Konzert, Äss-Trink-Glace- und Fruchtständ...

Bitz Stadt Melbourne im Hintergrund

Es het 8 Tennisplätz gha wo die ganzi Zitt Match gsi sind! Es isch rächt spannend gsi bi de Doppel go luege! Lauft total andersch ab und rächt schnäll.. =) Super!!

Mövenpick of SWITZERLAND (falls mes nid chan läse)

Nummer 2 Roger Federer =)

"Spiegelzelt" das heist so und isch vo Dütschland. Isch en lange Weg unter däm Dach mit Folie wo im Wind weiht.. und no mit shows etc.! Bi ned gsi und weis au ned mehr do drüber. Sig aber jedes Johr döt...

Am Relaxe in dr Wiese und am Band lose...

Het jedi Stund en ander Band gspielt...

I and Freya

dArena wo die wichtigste Spiel statt finde!

Flying trapeze

Ufwährme...

So het das ganze usgseh in dr Mitti vo dr Stadt in Melbourne

Am startklar mache...

Jo isch ebe scho no hoch gsi =/

...und en Ahnig ha ich au ned wörkle gha

...denn isches aber glich losgange...

eifach zu genial gsi!! Zersch eifach mit de Händ hebe und före schwinge, denn bim zrugschwinge dBei ihänke und widr bim füreschwinge dHänd losloh und Kopföber hänge. Denn widr alles zrug und en Saltoabgang zum Abschluss.. eifach GENIAL!!!

Denn isch uns eine vo de andere Sitte in dr Mitti cho abhole und het di denn an de Händ packt und denn isch me mit ihm gschwunge und denn widr zrug ällei und abe.... Das isch ächt super gsi! Eifach schwer zum ame sini Händ zfinde =) Isch schwer zum sich orientiere und das Problem kenne mr jo vo mir ;-) Het darum ned immer klapt aber isch so luschtig gsi!!

Roger Federer

Und los gohts...

Jep.. es isch mega heiss gsi!! Aber das het uns dLuhne nid vertriebe =)

So nöch und denn het er nid mou gluegt =(

Nochane bi dr Freya im Iceshop go Glace ässe.. ha jedi Sorte chöne probiere...

Es het öbbe 25 gha =) Bi denn eigentlich scho voll gsi. Ha mi denn aber glich för Raffaelo und Nuss/Schoggi entschiede...

dFreya im yumbos wo si schafft...

Sie chunt vo Melbourne und bi viel mit ihre unterwägs. Zur Abwächslig mou öbber wo wörkle au vo Australie chunt. Sunscht trifft me haut meischtens Touriste =/

So wie ich eine bin ;-)