Dienstag, 10. März 2009

Maitreya Festival

MAITREYA FESTIVAL

6.03.09 - 9.03.09 Das Festival isch irgendwo in dr Nöchi vo Nathalia im Bush usse gsi. Per Zuefall sind dSeraina und ich uf das im Internet gstosse. Mr hei gfunde es döhnt sehr speziell und mr wei das go usprobiere... mou öbbis neus kenne zlerne so zsäge =)

Die meischte Lüt sind Hippis gsi und mit Rastas umegloffe! Es hei immer alli es smile ufem Gsicht gha und sind immer hilfsbereit und fründlich gsi!

Mr het verschiedeni Workshops chöne mache. Es het Massage und Osteopatischi Behandlige geh! Alles gratis!!


Notürlich hei mr uns bitz müsse apasse und hei grad mou mit Henna agfange uns beschmücke =)






Das isch en Lachworkshop gsi. Me het ganz viel Üebige mit Lache gmacht. Do het mr de Kopf bimene andere müsse ufe Buch dueh. So hei denn alli glache... es isch unglaublich aber nach dere haube Stund mit all dene Sache hei mr wörkle parktisch no dr ganz Tag müsse lache... =)




Eis vo dene Tempelzält.. dä isch sicher 2i Stund eifach so dört ghockt...





dSeraina und ich hei agfange uns Bändeli ind dHoor mache. Denn sind ganz viel Lüt cho froge öb si au so eis dörfe ha! Uf jedefall simmr denn bekannt worde als die zwei wo so tolli Sache ind Hoor mache =) Die meischte hei uns welle Gäld drför geh. So het das ganze sin Lauf gnoh.. am Schluss hei mr vieli Sache usghandlet wie Ässe, Trinke, spezielli Stei, Massagene, aber ebe au Gäld und mr hei ganzi 60$ becho! Somit hätte mr unses Ässe finanziert =)






Es het sich umegsproche wie nüt und mr sind praktisch zwei Täg am gliche Ort gsi und hei Bändeli in dHoor gmacht =)







Uf das bin ich ganz stolz! Ha doch eim es Bändeli in sini Rastas chöne mache! Er heig scho soo lang eis welle und ezt bechunt er ändlich eis =)








Leider hei mr ned so viel Schnurr gha zum alles umzwickle aber es sig genau so wie ers het welle... Happy und mitemene smile isch er denn gange =)









Sie het uns för eis welle 10$ geh. Het aber nur 20ig gha. Also het si zwei welle.. =)










An däm ganze Festival isch no en Kunst Wettbewerb gsi! Viel Lüt hei öbbis gmacht, bastlet oder zeichnet.










Das isch sPartyzelt am Obe gsi! Also DJ Areal und dLüt hei vorne drah tanzt... wenn mr das tanze chan nenne ;-)












dLuft isch so staubig gsi! Es isch haut alles so troche gsi und het nur gstübt bim laufe und tanze! Viel hei es Tuech vorem Muhl gha.. wie ich ame au =/ Es isch eifach so staubig gsi...












Es anders Kunstwärk.. kei Ahnig was es bedütet aber het schön usgseh =) Dört ligt grad eine im Schniedersitz drunter! Das ganze het mr chöne bewege und mr het Obe in Himmel gseh... Aso isch ächt super gsi =)






























So Kreature us Knoche und Metall






Das isch eifach in dr Luft ghange.. =)







en Drummele wo me en spezielli Flüssigkeit het chöne druf dueh.. denn hets die so ufgspickt und im Liecht hets genial usgseh!


















Bim einte Zält hets eifach öberall so Stofftierli drah gha... Jo isch haut en spezielli Kunst =/







Teil hange im Baum...










Anderi sind am Spiessli =/








Verschiedeni Zält in dr Nacht!












dSeraina bimene Neonpilzli =)





Die Pilzli hei uns gfalle =)






Sie het am Schluss es Pilzi drah becho =)





Das isch en andere schrege Typ gsi.. unglaublich was alles so umegloffe isch. Aso mir hei dr Plausch gha =)












Juhuiii massage =)







Er het en Zahn unde drah doh wo sinere Fründin ghört het. (Also wo si am Ketteli gha het) ;-)




Vo einere ha ich als Danke en Frisur gmacht becho...






Het ächt super usgseh und zwei Täg ghebt =)






Notürlich dörf bitz Farb nid fehle =)








Sandra us dr CH!










Das isch mis Lieblingsbändeli worde =)









Znacht im Zält. Mr hei alles Ässe mitgnoh. Teigware-,Ries-,Gusgussalat mit alles verschiedene Zuetate an Gmües, Olive etc. hets geh! Isch super gsi und mr hei nieh ghungeret =)









Einisch mehr bi dr Arbeit =)










Es Pilzibüssli hets au no gha!!



























Partyzelt













Zmorgeässe.. Banane mit Müesli und Milch. Kaffi het au ned gfehlt =)














Party Zobe.. bis am nögschte Tag am Nomittag...















Drummeler hets au no gha.. aso för uns isch das Fasnacht gsi! Drummele, verkleideti Lüt und Party.. was will mr mehr =)









Unses Plätzli wo mr immer gsässe sind.







Mr hei uns gegesittig es Festival Souvenir mit Henna gmacht...


















Es Pilzli, M för Maitreya und 09 förs Johr =)











Unsi beschmückte Füess mit Bändeli und Henna!









Bitz vom Areal am morge früeh..





















Dä isch eifach plötzlich mou mit sim Bächer döt ghockt. Er isch es Bispiel wie mr en Skibrülle au för en Sunnebrülle chan bruche =)



Schatte unterem Pilzli isch immer guet =)









Ein vo Israel het au es Bändeli welle. Erstuhnlich viel Männer heis super gfunde und eis welle! Het aber au bi dene guet usgseh!





Blick richtig Partyzält









Partyareal








Nomou eis vo dene Neon Pilzli. Sind si ned härzig... =)









Es anders Kunstwerk bi dene Neon Pilzli!












Schnegge rechts und ich links =) Kiss.....




















































Es paar gmolti Bilder wo am Kunstwettbewerb mitgmacht hei!






Kunstmaskene





Es riese Bild gmolt...



Es anders Bild... vo was au immer =)




Unse Gästebuech Itrag!


Er isch ganz en spezielle gsi. So ganz schüch und het unbedingt au so Bändeli in de Hoor welle. Er het uns drför sini spezielle Stei geh und chleini Kristall wo mr ezt in de Hoor hei =) Isch en super Handel gsi.. ei mou mehr!







DParty het am Montag Nomittag langsam es Endi gnoh... dFüürwehr het die ganz Zitt Wasser gsprützt wölls sunscht so troch gsi isch. Das isch denn aber zum fun worde und es het es Schlammbad geh...







Do hei sich es paar bsunders gärn gha.. =/ Aber zum zueluge isches immer so luschtig und amüsant gsi!






Es het sehr spezielli Kostüm gha!


Es isch herrlich gsi nach 4i Täg mou bitz Wasser zha ;-)




Super Abkühlig gsi!









No die letschte Stunde tanze...






Es isch eifach geil gsi!!!!!!!!




Jo und so bi ich denn am Dienstag Nomi vor Seraina dähei abgloffe för zu mir hei. Ha ebe am Montag Zobe grad bi ihre gschlofe.







Jo das wär no eini vo dene Schlammschlachte =)



Es Kunstbild... das isch riesig gsi und wörkle geil!!




Seraina, Corey, Sandra and I! Isch super gsi mit dene und mr chöne si jederzitt in Brisbane go bsueche! Also mr münd si go bsueche... also denn möche mr doch das... abem July mou =)



Jo das wärs gsi! Mr hei gar nüm hei welle und hei uns super wohl gfunde! Mr hei ganz vieli neui tolli Lüt kenne glernt und vieli Tips zum reise und Adressene före Unterkunft becho! Es isch intressant gsi die Lüt kenne zlerne und es het jo au ganz normali drunter gha... also emu so normal wie dSeraina und ich sind ;-)