Sonntag, 1. Februar 2009

weekend with Seraina

Isch es super weekend gsi! Bi am Fr. Zobe nachem hüete zur Seraina bis am So. Zobe! Es isch um die 40ig Grad gsi, tip top zum im Pool vor Seraina bade und bis im Morge in Usgang ohni kalt zha =)
Sienna! Eis vo dene 4i Kinder wo dSeraina schafft!

Im Pool bi dr Seraina dähei...


dSienna isch die jüngsti! Sie het no 3i älteri Brüdere =)



Chanti! dr zweit jüngsti!




Sie isch die chleini Prinzessin vor Fam.! Isch aber au en härzigi =)



















Dr Kampf um dSusi (so het dSienna dä Seehund tauft)





























Isch eifach en Kampf bis me dobe isch...=/




Samstig Morge im Niergendwo in Melbourne...
Mr sind am Frittig Zobe in dr Stadt ufe Zug gange för zur Seraina! Mr hei mit Glück grad no dr letscht verwötscht =/
Ich han agnoh, dass dSeraina weis wo mr use münd.. aber sie het nieh was gseit und mr hei gredet und gredet.. Ha se denn mou gfrogt wo mr eigentlich sind und wo mr use münd... denn het si mou "OU" gseit und gluegt...
Jo uf jedefall simmr denn bi dr nögste Station use.. mr sind viel zwitt gsi!! Das passiert ihre aber immer widr. Sie vergisst sich immer im Zug oder Bus und fahrt immer witer und witer ;-)
Döt wo mr acho sind hets gar nüt gha und isch alles zueh gsi! Keini Lüt, keini Bars, eifach nur Hüser und en Parkplatz...
Mr hei denn em Taxi welle ahlüte aber döt het nieh öbber abgnoh.. denn isch aber eis dure gfahre wo ufem Heiwäg gsi isch! Er het gseit, es kostet 20 Dollar bis zur Seraina (was viel zviel isch). Denn hei mr eifach gseit, mr hei nur no 13 Dollar! Er het gmeint es sig zwenig aber er goht rasch eins go rauche und wenn er fertig isch luegt er nomou vrbi und wenn mr denn no doh sind nimmt er uns mit...
Uf jedefall isch in dere Zitt kei anders Taxi mehr cho und er het uns för 13 Dollär in dNöchi for Seraina gfahre! (mr hätte jo scho gnuegt Gäld gha aber isch jo au so gange)



Mir arme hei ned mehr als das gha... =(







Bitte fahr uns för das Gäld hei...!!! ;-)


Jo Seraina.... nögscht mou luegsch bitte bitz ehnter.. denn wäre mr 3 Stunde ehnter dähei =)





Am Samstig simmr denn mit andere in Usgang... Corinna vo Dütschland isch au widr zrug vo ihrne Ferie mit dr Fam.!











Ändlich widr mou Party und tanze in dr night cat in Melbourne!!



Astrid vo Holland und Corinna







Keine Kommentare: